Nga data 5 deri më 11 prill janë regjistruar 44 raste të reja me kollën e keqe, me një rënie prej 10.0 për qind krahasuar me javën e mëparshme. Shumica e rasteve janë regjistruar në Shkup.
Mosha e pacientëve varion nga një muaj deri në 75 vjeç, ndërsa numri më i madh i rasteve janë nga grupmosha 10 deri në 14 vjeç. Nga 44 rastet e reja, dy janë shtruar në spital, thuhet në raportin e fundit të Institutit të Shëndetit Publik (ISHP), të publikuar pasditen e sotme.
“Deri më 11 prill, në Maqedoninë e Veriut janë regjistruar gjithsej 443 raste të kollës së keqe, me incidencë prej 24.1/100,000 banorë. Sa i përket vendbanimit, numri më i madh i banorëve jetojnë në Shkup – 355 ose 80,1 për qind, duke përfshirë gjashtëmbëdhjetë komuna të ndryshme”, thuhet në raport.
Nga numri i përgjithshëm i rasteve të regjistruara – 433, 263 ose 59,4 për qind nuk janë vaksinuar, nuk janë vaksinuar plotësisht sipas moshës ose nuk ka dëshmi të vaksinimit. Nga rastet që janë vaksinuar plotësisht, koha mesatare e kaluar nga doza e fundit e vaksinës deri në sëmundje është 12,9 vjet.
Nga të sëmurët, 60 persona u shtruan në spital, 49 prej tyre nën moshën katër vjeç.
Në periudhën nga 18 janari deri më 11 prill janë dhënë gjithsej 39,031 doza vaksine që përmban një komponent kundër kollës së keqe.
ISHP: Regjistrohen 44 raste të reja me kollën e keqe në Maqedoni, numri i përgjithshëm i të sëmurëve është 443 shkruan Telegrafi.