Zyra e Jashtme për Çështje Penale në Gostivar ngriti kallëzime penale kundër dy personave juridikë të huaj për shkak të ekzistencës së bazave të dyshimit për kryerjen e veprës penale “shkaktim i rrezikut të përgjithshëm gjatë punimeve ndërtimore”.
“Më 25.03.2025, gjatë kryerjes së punimeve ndërtimore në autostradën Gostivar-Kërçovë, në një vend në fshatin Banjicë, personat juridikë të raportuar shkaktuan rrezik të përgjithshëm gjatë shpërthimit duke shkaktuar rënien e një guri të madh në uzinën e një fabrike prodhimi tullash, duke dëmtuar një autocisternë në pronësi të fabrikës”, thuhet në njoftimin e MPB./Telegrafi/
