Kallëzim penal për tetovarin i cili me para të falsifikuara ka blerë veturë

SPB Tetovë në Prokurorinë Themelore të Tetovës parashtroi kallëzim penal kundër I.A (45) nga Shipkovica Tetovës dhe B.E (48) nga Leshnica e Poshtme.

Ata dyshohen se kanë kryer veprën penale “Falsifikim të parave”.

Sipas njoftimit, personi I.A dyshohet se në shtator të vitit të kaluar nga B.E ka blerë automjet “BMW” dhe i ka paguar 4.500 euro me para të falsifikuara, ndërsa i njëjti edhe pse ka ditur se paratë kanë qenë të falsifikuara nuk i ka paraqitur por disa herë është përpjekur t’i lëshojë në treg./Telegrafi/

Kallëzim penal për tetovarin i cili me para të falsifikuara ka blerë veturë shkruan Telegrafi.