Kryeministri i Maqedonisë së Veriut, Dimitar Kovaçevski në fjalimin e tij para deputetëve në Kuvend për propozimin francez, tha se ai është lindur maqedonas dhe asnjë letër nuk mund t’ia marrë identitetin, gjuhën dhe historinë.
“Unë jam Dimitar Kovaçevski, maqedonas jam që kur kam lindur. E di një gjë, asnjë letër, asnjë propozim, nuk mund të ma marrë identitetin, gjuhën dhe historinë që më bën maqedonas dhe për të cilat kam detyrim të shenjtë t’i respektoj dhe t’i forcoj. Nuk kam dyshime për asnjë nga çështjet themelore dhe e di se me një qasje të zgjuar dhe vazhdimësi të rrugës evropiane mund të bëhem maqedonas më i mirë, më dinjitoz dhe i barabartë, qytetar i Republikës së Maqedonisë së Veriut dhe qytetar i Evropës. Planifikoj me vendosmëri, të jetoj në të dhe të ndihmoj si qytetar, por edhe të përmbush detyrimin dhe përgjegjësinë time si politikan, që shteti të jetë i përbashkët, i suksesshëm dhe më i mirë për të gjithë qytetarët”, deklaroi Dimitar Kovaçevski – Kryeministër i Maqedonisë së Veriut.
Fjalimi i kryeministrit Kovaçevski u përcoll me shumë zhurmë nga ana e opozitës, të cilët me mjete zhurmuese, fishkëllima dhe goditje të tavolinave e injoruan fjalimin e tij.
Ndryshe, seanca e propozimit francez përfundoj para pak çastesh, ndërsa e njejta pritet të vijoj nesër me fillim nga ora 11:00.
Kovaçevski: Asnjë letër nuk mund të ma marrë identitetin tim maqedonas shkruan Telegrafi.
