Kryeministri i Maqedonisë së Veriut, Dimitar Kovaçevski ka njoftuar se ka biseduar në telefon me kryeministrin e Ukrainës, Denys Shmyhal, të cilit i ka thënë mes tjerash se Maqdonia e Veriut si pjesë e NATO-s do t’i ndihmojë Ukrainës në këtë krizë, njofton Telegrafi Maqedoni.
“I përcolla se bashkë-ndjejmë me Ukrainën dhe në të njëjtën kohë admirojmë guximin me të cilin ukrainasit mbrojnë lirinë e tyre dhe sovranitetin e shtetit”, shkruan Kovaçevski.
Kovaçevski thekson që ka njoftuar homologun ukrainas se Maqedonia e Veriut pajtohet me politikën e jashtme dhe politikën e sigurisë të vendeve anëtare në BE dhe NATO.
“Jemi të gatshëm të pranojmë qytetarët e Ukrainës nëse ata kërkojnë strehim të përkohshëm në vendin tonë dhe mbetemi në kontakt për të gjitha aktivitetet e ardhshme për mbështetje dhe ndihmë”, ka shkruar mes tjerash Kovaçevski. /Telegrafi/
The post Kovaçevski-Shmyhal: Admirojmë guximin me të cilin ukrainasit mbrojnë lirinë e tyre appeared first on Telegrafi.