Deputeti dhe koordinatori i grupit parlamentar të LSDM-së, Jovan Mitreski, 100 ditë para zgjedhjeve do të jetë kryetar i ri i Kuvendit. Siç tha zëdhënësi i partisë Darko Kaevski, Mitreski është zgjedhja e partisë për kryeparlamentarin e ri sepse është deputet me përvojë shumëvjeçare, i ndershëm, punëtor dhe i përkushtuar ndaj qytetarëve dhe shtetit, përcjell Telegrafi Maqedoni.
Ai po ashtu informon se si konkluzion i dytë i Bordi Ekzekutiv i LSDM-së, sekretari i përgjithshëm i partisë ngarkohet që të përgatisë një plan për procedurën, mënyrën dhe kriteret për zgjedhjen e kandidatit për kryetar për zgjedhjet presidenciale, sipas Statutit të partisë.
“Si konkluzion të tretë, Bordi Ekzekutiv propozoi sekretarin e përgjithshëm Mile Zeçeviq Vardarski për shef të shtabit qendror zgjedhor të LSDM-së. LSDM është gati dhe shkon në zgjedhje për fitore të dyfishtë në zgjedhjet presidenciale dhe parlamentare. LSDM do të propozojë kandidatin fitues për president dhe do të formojë Qeverinë e ardhshme pro-evropiane”, shtoi Kaevski.
Mbrëmë është marrë vendimi me të cilin kryetari i partisë Kovaçevski autorizohet që të fillojë bisedimet përgatitore dhe konsultimet me partitë parlamentare për qeverinë teknike./Telegrafi/
LSDM: Mitreski kryetari i Kuvendit, Zeçeviq shef i shtabi zgjedhor shkruan Telegrafi.