Kryeministri Mickoski pyeti sot se cilat karakteristika të qeverisë së tij i përcaktoi Filipce si autoritare, prandaj ja përgjigjja. Në një vit në pushtet, OBRM-PDUKM ka kryer një partizim të thellë të të gjitha institucioneve të pavarura. Ushtarë të partisë emërohen si drejtorë, këshilltarë dhe borde drejtuese, duke i shndërruar institucionet në një krah të zgjatur të partisë, akuzojnë nga LSDM.
“Prokuroria publike dhe gjyqësori janë vënë nën kontroll të plotë. Aktualisht, nuk ka raste që po zhvillohen kundër zyrtarëve aktualë, as për Koçanin, as për të gjitha skandalet, siç janë tenderët e manipuluar në Ministrinë e Brendshme dhe ministritë e tjera. Burrat, të dashurit dhe kushërinjtë e zyrtarëve qeveritarë po zgjidhen si gjyqtarë.
Mickoski tashmë ka filluar të kërcënojë gazetarët kur i bëhet një pyetje e sikletshme. Shembulli i fundit me gazetaren e “Al Jazeera” tregon një intolerancë të qartë ndaj kritikave mediatike. Përveç kësaj, mediat që promovojnë punën e qeverisë po paguhen përmes kompanive nga Hungaria”, thonë nga LSDM.
Nga LSDM thonë se kushdo që ngre zërin kundër qeverisë etiketohet dhe sulmohet
“Kushdo që ngre zërin kundër qeverisë etiketohet dhe sulmohet, shembulli më i fundit janë sindikatat. Mickoski po përpiqet t’i përçajë ato, të krijojë organizatat e tij paralele që do t’i shërbejnë atij, njësoj si gjatë kohës së Gruevskit. Pas ardhjes në pushtet, filluan ndryshimet revanshiste në administratë dhe presionet ndaj autoriteteve lokale ku OBRM-PDUKM nuk ka shumicë. Praktikat e persekutimit institucional po kthehen, siç pamë gjatë kohës së Gruevskit. Njerëzit që kanë punuar me ndershmëri për vite me radhë po degradohen, fyhen dhe margjinalizohen”, shtojnë nga LSDM./Telegrafi/
The post LSDM: OBRM-PDUKM ka kryer partizim të thellë në të gjitha institucionet e pavarura appeared first on Telegrafi.
