LSDM njofton se janë publikuar shpalljet e para publike të Planit Operativ për masat aktive dhe programet e punësimit për vitin 2022.
“Për një nga masat më të përdorura, masën vetëpunësim me planin e ri, parashikohen mjete për hapjen e biznesit tuaj për 2.000 persona. Mbështetja financiare për një person për të filluar biznesin e tij është 5.000 euro ose deri në 10.000 euro nëse një shoqëri themelohet nga dy ortakë. Masa e praktikës do të përfshijë mbi 1.600 të rinj deri në 34 vjeç, të cilët do të mund të hyjnë në tregun e punës dhe të fitojnë njohuri praktike në një punë të caktuar”, sqarojnë nga LSDM.
Nga atje shtojnë se këta persona do të marrin kompensim mujor në shumë prej 9 mijë denarë me sigurim të përfshirë për një periudhë deri në tre muaj.
“Të gjithë personat e kualifikuar mund të aplikojnë në një nga tridhjetë qendrat e punësimit ose online në faqen e internetit të Agjencisë së Punësimit. Plani operativ si një nga mjetet kyçe për uljen e shkallës së papunësisë për këtë vit ka një buxhet prej 30 milionë euro dhe do të mbulojë rreth 15 mijë të papunë”, thonë nga LSDM./Telegrafi/
LSDM: Të gjithë të papunët të aplikojnë në thirrjet publike nga Plani Operativ shkruan Telegrafi.