“Gjermania do të bëjë gjithçka që është në fuqinë e saj për të nisur negociatat e Maqedonisë së Veriut me BE-në gjatë kohës së udhëheqjes gjermane deri në fund të këtij viti”.
Këtë e tha sot ministri për Punë të Jashtme i Gjermanisë Heiko Maas, në fjalimin e tij pas ndarjes së çmimit për të drejtat e njeriut të fondacionit “Fridrich Ebert” për kryeministrin Zoran Zaev, përcjell Telegrafi Maqedoni.
“Ka negociata intensive për mbajtjen e konferencës së parë ndërqeveritare gjatë kohës së kryesimit gjerman me BE-në. Ne edhe më tej do të punojmë në ditët e mbetura pasi ky është qëllimi jonë. Prej marsit presim të nisin negociatat formale dhe veprojmë që ta mbajmë konferencën e parë ndërqeveritare deri në fund të vitit”, tha Maas.
Ai shtoi se me vendimin për negociatat me Maqedoninë e Veriut, do të varet edhe besueshmëria e BE-së në rajon./Telegrafi/
Maas: Gjermania do të bëjë gjithçka që Maqedonia e Veriut të nis negociatat deri në fund të vitit shkruan Telegrafi.