Sot në Maqedoninë e Veriut kanë mbërritur 110.612 vaksina nga prodhuesi “Pfizer-Biontech”.
Ministri i Shëndetësisë Venko Filipçe, në Facebook shkroi se vaksinat e mbërritura, për të cilat ka interesim të madh te qytetarët, do të shpërndahen te pikat vaksinuese përreth vendit me qëllim që të sigurohet proces i pandërprerë i vaksinimit.
Filipçe thotë se vetëm me vaksinim, mund ta ruajmë shëndetin tonë, por edhe të japim kontribut për ruajtjen e shëndetit kolektiv.
“Vaksinat janë të sigurta dhe efikase, paraqesin mënyrë të vetme për t’i dhënë fund pandemisë. Vaksinimi i përgjithshëm e zvogëlon shansin nga sëmundjet e Covid-19, zhvillimin e formës së rëndë të sëmundjes, hospitalizimin dhe vdekjen”, shkruan Filipçe./Telegrafi/
Maqedoni: Mbërritën mbi 100 mijë vaksina të kompanisë “Pfizer” shkruan Telegrafi.