Në shtatë ditët e kaluara, Maqedonia e Veriut është renditur e gjashta në Evropë për sa i përket numrit të rasteve të reja me Covid-19 për 100.000 banorë, përcjell Telegrafi Maqedoni.
Gjeorgjia është në vendin e parë, Kosova në vendin e dytë, ndërsa Mali i Zi në vendin e tretë në Evropë. Nga rajoni, Serbia është e 23-ta dhe Kroacia e 41-ta nga gjithsej 52 vende evropiane.
Vaksinimi i plotë është një masë kryesore për të parandaluar përhapjen e COVID-19, përfshirë sëmundjet e shkaktuara nga varianti delta i coronavirusit, Agjencia Evropiane e Barnave (EMA) dhe Qendra Evropiane për Parandalimin dhe Kontrollin e Sëmundjeve (ECDC) të shpallura si pjesë e rekomandime shtesë për parandalimin e viruseve.
Dje në Maqedoni janë kryer 6.256 teste, ndërsa janë regjistruar 1.158 raste të reja me COVID-19.
Shumica e të infektuarve janë nga Shkupi, Tetova dhe Gostivari.
Që nga fillimi i pandemisë në Maqedoninë e Veriut me COVID-19 janë diagnostifikuar gjithsej 165.684 pacientë, ndërsa prej tyre 151.401 janë shëruar dhe 5.608 kanë humbur jetën. Numri i rasteve aktive është 8.675./Telegrafi/
Maqedonia e Veriut e gjashta në Evropë për nga numri i rasteve të reja me Covid-19 shkruan Telegrafi.