Mariçiq: Në tetor do të dihet kush është për BE

Pinterest LinkedIn Tumblr +

Zëvendëskryeministri për çështje evropiane, Bojan Mariçiq, ka vlerësuar që deri në muajin tetor do të kuptohet cilët deputet janë për eurointegrime të shpejta e kush për ngadalësim të procesit.

“Do të përshpejtohet komunikimi me çdo deputet në periudhën e ardhshme. Ne presim deri në muajin shtator-tetor qartë të deklarohen të dy blloqet politike, njëri që është për anëtarësim të shpejtë në BE dhe tjetri që është kundër anëtarësimit në BE dhe vlerësojnë se kemi kohë për pritje”, deklaroi Mariçiq në RTM 2.

Ai vlerësoi që pritja është një strategji që do të largon të gjithë të rinjtë nga vendi jonë dhe do të humb shpresat për Bashkimin Evropian.

“Në tetor do të dihet kush është për anëtarësim në BE, dhe kush për largimin e shtetit nga rruga evropiane”, deklaroi Mariçiq, duke theksuar që Maqedonia e Veriut duhet të miraton ndryshimet kushtetuese nëse dëshiron të kap mundësinë për anëtarësim deri në vitin 2030.

Advertisement

Më 18 gusht 2023 në Kuvendin e Maqedonisë së Veriut debati për fillimin e ndryshimeve kushtetuese mbaroi brenda pak orësh. Votimi nuk dihet ende kur do të bëhet.

Në mënyrë që të bëhen ndryshimet kushtetuese duhet dy e treta e votave, konkretisht 80 vota nga gjithsej 120 deputetë në Kuvend.

Partia më e madhe opozitare OBRM-PDUKM është deklaruar se nuk do t’i mbështesë këto ndryshime, ndërsa edhe nga opozita shqiptare kanë kushtëzuar që nuk do t’i votojnë ndryshimet nëse nuk ndryshohet definimi i 20% për gjuhën shqipe në Kushtetutë.

Ndryshimet kushtetuese nënkuptojnë shtimin e bullgarëve dhe kombeve tjera në Kushtetutë.

Advertisement

Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare.

Megjithatë, negociatat nuk do të fillojnë derisa të bëhen ndryshimet kushtetuese. Nëse nuk bëhen ndryshimet kushtetuese deri në nëntor të këtij viti, procesi eurointegrues i RMV-së rrezikon të bllokohet përsëri.

Mariçiq: Në tetor do të dihet kush është për BE shkruan Telegrafi.

Advertisement
Share.

Comments are closed.

Copyright © 2024 Struga.info | Privacy policy