MASH Maqedoni: Në vitin e ri shkollor 2022-2023, do të punësohen 720 asistentë për fëmijët me nevoja të veçanta

Pinterest LinkedIn Tumblr +

“Në vitin e ri shkollor 2022-2023 do të punësohen gjithsej 720 asistentë arsimor, kurse njoftimet publike për regjistrimin e të interesuarve do të publikohen në ditët në vijim nga shkollat ​​fillore duke zbatuar të gjithë procedurën e përzgjedhjes”, njoftojnë nga Ministria e Arsimit dhe Shkencës.

Nga aty theksojnë se ngritja e shkallës së gjithëpërfshirjes së sistemit arsimor kombëtar është prioritet strategjik dhe synim kyç në programin e punës së Ministrisë së Arsimit dhe Shkencës, për të cilën në vazhdimësi po drejtohen gjithnjë e më shumë fonde dhe aktivitete, realizimi i të cilave përfshin një numër të madh të aktorëve socialë.

“Shërbimi i asistencës arsimore u fut si detyrim i shtetit i rregulluar me ligj. Domethënë, punësimi i asistentëve për nxënësit me aftësi të kufizuara që vijojnë mësimin në shkollat ​​e rregullta fillore nuk është më shqetësim dhe shpenzime shtesë për familjet e nxënësve”, thekson MASH.

Ministria e Arsimit dhe Shkëncës informon se vitin e kaluar shkollor janë punësuar 500 asistentë, nga të cilët 260 në rajonin e Shkupit dhe Kumanovës si dhe 240 asistentë në tre rajonet e tjera, përkatësisht 80 asistentë në rajonin e Vardarit, Juglindjes dhe rajonet e Pellagonisë.

Advertisement

Pas përzgjedhjes përfundimtare, asistentët arsimorë punësohen në shkollat ​​fillore, me kompensim mujor dhe kontribute të paguara nga sigurimet shoqërore të detyrueshme.

Ministria e Arsimit dhe Shkencës fton të gjithë qytetarët me arsim të përshtatshëm dhe dëshirë për të punuar me nxënësit me aftësi të kufizuara, për të ndjekur ueb faqet e shkollave fillore me qendra burimore dhe për t’u regjistruar në thirrjen e shkollës përkatëse për të cilën janë të interesuar.

MASH Maqedoni: Në vitin e ri shkollor 2022-2023, do të punësohen 720 asistentë për fëmijët me nevoja të veçanta shkruan Telegrafi.

Advertisement
Share.

Comments are closed.

Copyright © 2022 Struga.info | Privacy policy