Kryeministri Hristijan Mickoski, sot është pyetur në lidhje me shportën minimale, e cila në muajin korrik ka arritur në 65.328 denarë. Mickoski tha se do të ketë mbledhje të Këshillit Ekonomiko-Social, në të cilën ai do të propozojë të ndryshohet llogaritja e shportës minimale.
Mickoski tha se do të propozojë të ketë pesë segmente të harxhimeve minimale, e cila do të përfshijë kategori të ndryshme të qytetarëve.
“Mendoj se duhet të ndahet në 5 segmente. Shporta e konsumit për person të vetëm, shporta sindikale për çift të ri, për familje tre anëtarësh, për familje katër anëtarësh dhe shportë e konsumit për pensionistë. Mendoj se në të ardhmen duhet të përfshijmë analizë të pesë shportave të konsumit, sepse nevojat e njerëzve janë sipas moshës kuptohet, por gjithashtu nevojat e njerëzve janë në varësi të numrit, sesi është e përbërë një bashkësi”.
“Ky do të jetë propozimi im, të cilin e kam marrë edhe nga bashkësia e akademikëve. Nevojat e një çifti pensionistësh nuk janë të njëjta si një çift i ri martesor, ose të një familje 3-4 anëtarëshe dhe një personi të vetëm. Vetëm me më shumë analiza mund të vijmë në rezultate më të mira”, deklaroi mes tjerash Mickoski.
The post Mickoski për shportën minimale: Do të propozojë të ketë pesë kategori, një çift i ri nuk i ka nevojat e njëjta sikur pensionistët appeared first on Telegrafi.
