Kryetari i PLD-së, Goran Milevski në “Utrinski Brifing” tha se Zaev pasi që do të deklarohet për dorëheqjen nga pozita e kryeministrit, do të kërkojë mendim nga partnerët e koalcionit për kryeministrin e ri.
“Është lënë hapësirë që emri të jetë temë e hapur, ndërsa mendimin e partnerëve të koalicionit do ta ketë këtë javë. Për ne nuk është e rëndësishme emri i kryeministrit të ri por si do të vazhdojë politika e re”, tha Milevski.
Milevski shtoi se Zaev dëshiron ta transformojë LSDM-në dhe Qeverinë.
“Kemi edhe dy vite e gjysëm. Nëse kjo shumicë parlamentare ka qëllime të sinqerta për të ndryshuar gjërat, atëherë qytetarët do ta shohin këtë, por nëse vazhdojmë në këtë mënyrë, ndoshta edhe më herët do të ketë ndryshim të Qeverisë”, tha Milevski./Telegrafi/
Milevski: Zaev do të tërhiqet nga pozita e kryeministrit dhe kërkon nga partnerët e koalicionit emrin e ri shkruan Telegrafi.