Një stuhi e madhe e përcjellë me reshje shiu dhe breshër ka goditur pasditen e sotme Dellçevën.
Sipas informacioneve nga Qendra për Menaxhimin e Krizave (QMK), nga moti i ligë janë vërshuar disa ndërtesa. Në momentin e informimit, ekipet e Njësisë Territoriale të Zjarrfikjes (NJTZ) – Dellçevë presin që reshjet e shiut të ndalojnë në çdo moment për të dalë në terren dhe për të intervenuar.
“Për momentin janë duke intervenuar NJTZ me 2 automjete dhe 5 zjarrfikës, ndërsa në çdo moment pritet që Ndërmarrja Publike të dalë në terren dhe të intervenojë”.
Deri më tani në Dellçevë janë përmbytur 10 objekte, por numri i objekteve të përmbytura sipas informacioneve nga terreni pritet të rritet”, thonë nga QKM.
The post Moti i ligë kaplon Dellçevën, vërshohen disa ndërtesa appeared first on Telegrafi.