Ministria për Punë të Brendshme bënë thirrje te qytetarët që të mos përdorin mjete piroteknike gjatë festave të fund vitit.
Përmes një ushtrimi publik në Qendër të Shkupit, MPB shpalosi para opinionit pasojat e mundshme nga shfrytëzimi i mjeteve piroteknike gjatë festave që pasojnë.
MPB paralajmëron rritjen e kontrolleve nëpër pikat e dyshimta për shitje ilegale. Përdorimi i mjeteve piroteknike paraqet vepër penale e paraparë në Ligjin për kundërvajtje dhe Kodin Penal, dispozita të cilat parashikojnë gjoba dhe dënime me burg.
“Qëllimi i këtij ushtrimi është që t’i bëjmë apel qytetarëve të mos shfrytëzojnë mjete piroteknike. E dini se në këtë periudhë para festave të fund vitit kemi përdorim masiv të tyre, gjë që mund të jetë e rrezikshme dhe çdo vit në të gjithë botën rezulton me numër të madh të lëndimeve”, tha zëdhënësi i MPB-së, Toni Angellovski.
MPB Maqedoni: Përdorimi i mjeteve piroteknike është vepër penale shkruan Telegrafi.