Senatori amerikan Chris Murphy pas takimit me kryeministrin Dimitar Kovaçevski u shpreh se ndryshimet kushtetuese janë teknike dhe paralajmëroi se nëse vendi nuk bën ndryshimet, do të ketë ndikim edhe te marrëdhëniet me SHBA-të.
Sipas tij, vendi nuk duhet ta lëshojë këtë mundësi, ndërsa vendimi për mosndryshimin e Kushtetutës do të ndikojë edhe te vendet anëtare të NATO-s.
“Dua të jem i qartë nëse vendi vendos kundër këtyre ndryshimeve kushtetuese dhe largohet nga rruga drejt BE-së, do të ishte shqetësuese që një vend i NATO-s, një vend që ne jemi angazhuar ta mbrojmë bazuar në vlerat tona të përbashkëta, t’i kthejë shpinën BE-së. Ne jemi miq, nuk do të ndalemi kurrë së qeni partnerë, por njerëzit në SHBA, liderët e SHBA-ve i ndjekin vendimet që do të merren këtu në muajt e ardhshëm”, u shpreh senatori Murphy.
Përveç takimit me kryeministrin Kovaçevski, senatori amerikan u takua edhe me presidentin e vendit, ndërsa kabineti i presidentit bëri të ditur se në takim është biseduar për eurointegrimet, ndërsa presidenti ka falënderuar senatorin për mbështetjen e SHBA-ve./Telegrafi/
Murphy: Mosndryshimi i Kushtetutës do të ndikojë në marrëdhënies mes SHBA-së dhe Maqedonisë së Veriut shkruan Telegrafi.