Nuk kam dëgjuar qeverinë të thotë se “nuk e di” se çfarë është në propozimin francez. Ata do ta marrin zyrtarisht nga ndërmjetësit. Në vendin tonë vlerësohet shumë pak fakti që “sponsor” i nismës është presidenti francez. Macron është një nga shtyllat e BE-së. Franca nuk është një shtet anëtar i parëndësishëm. Ne duhet ta vlerësojmë atë. Këto nuk janë gjëra të vogla në botë, tha analisti politik Albert Musliu për propozimin francez për zgjidhjen e kontestit mes Maqedonisë së Veriut dhe Bullgarisë, përcjell Telegrafi Maqedoni.
Sipas tij, precedenti me përfshirjen e çështjeve bilaterale në kornizën e negociatave është i njëjtë me atë të Serbisë me çështjen e Kosovës.
“Serbia ka një kapitull të tërë dhe ky është kusht. Nuk është çështje evropiane, por dypalëshe. Disa vende të BE-së e kanë njohur pavarësinë e Kosovës, por Serbia e di se duhet ta mbyllë çështjen për t’u bërë anëtare e plotë. Ky nuk është përjashtim. Miqtë tanë janë të përfshirë.
Kjo çështje me Bullgarinë është një çështje e vjetër. Prania e partnerëve tanë për të analizuar një nga temat do të jetë e rëndësishme. Bullgaria nuk mund të shtyjë asnjë pozicion si qëndrim i të gjithë palës”, tha Musliu në emisionin “Top Tema”./Telegrafi/
Musliu: Është pak i vlerësuar fakti që “sponsor” i propozimit është Macron, njëri nga shtyllat e BE-së shkruan Telegrafi.