Në zgjedhjet lokale 2021 do të votohet me gjurmë gishtash

Pinterest LinkedIn Tumblr +

Kuvendi i Maqedonisë së Veriut me 95 vota “për” miratoi ndryshimet në Kodin Zgjedhor, të cilat, mes tjerash, parashikojnë shtyrjen e zgjedhjeve lokale të këtij viti për gjysmën e dytë të tetorit, në vend që të mbahen në gjysmën e parë të tetorit. Ndryshimet mundësojnë që të votohet me shenja gishti ndërsa fushata për zgjedhjet lokale të fillojë pas përfundimit të fazës në terren të regjistrimit.

Ligji do të hyjë në fuqi pasi të nënshkruhet nga presidenti Stevo Pendarovski dhe do të botohet në “Gazetën Zyrtare”.

Futja e sistemit të shenjave të gishtit për herë të parë në Maqedoninë e Veriut, do të realizohet në zgjedhjet lokale të këtij viti.

Aleksandar Dashtevski, Kryetari i Komisionit Shtetëror Zgjedhor (KSHZ), në fillim të marsit tha se mjetet financiare janë siguruar për këtë ndryshim.

Advertisement

Në shkurt të këtij viti, Komisioni shtetëror zgjedhor (KSHZ) dhe Ministria e punëve të brendshme (MPB) zhvilluan takim për të shqyrtuar mundësinë e futjes së shenjave të gishtave gjatë procesit zgjedhor, si një nga ndryshimet në Kodin Zgjedhor. KSHZ-ja për këtë arsye ka kërkuar mbështetje nga policia, duke u bazuar në Strategjinë TIK 2021-23 dhe Strategjinë për siguri kibernetike.

Në zgjedhjet lokale 2021 do të votohet me gjurmë gishtash shkruan Telegrafi.

Share.

Comments are closed.

Copyright © 2023 Struga.info | Privacy policy