Ministrja e Mbrojtjes, Radmilla Sheqerinska konfirmoi se një oficer i Armatës së Maqedonisë së Veriut i cili po merr pjesë në Misionin e BE-së në Republikën e Afrikës Qendrore (RAQ) sonte do të arrijë në Shkup me evakuim mjekësor.
“Një nga pjesëtarët tanë të Armatës, nënkolonel i cili merr pjesë në misionin evropian në Republikën e Afrikës Qendrore, javën e kaluar ishte testuar dhe kishte rezultuar pozitiv në koronavirus, dhe pasi situata nuk ishte përjetuar nga ana e ekspertëve mjekësorë si tërësisht nën kontroll, me rekomandim të ekspertëve mjekësorë në kuadër të misionit të BE-së, ai me evakuim mjekësor do të sillet në shtëpi, në Shkup, supozoj sonte vonë. Këtë evakuim mjekësor e bëmë në bashkëpunim me shërbimet evropiane për marrëdhënie të jashtme”, tha Sheqerinska në konferencën e përbashkët për media me ministrinë e Mbrojtjes së Republikës Çeke Metnar.
Ajo i falënderoi të gjitha institucionet të cilat ndihmuan në evakuimin e pjesëtarit të URMV-së.
Ministri i Shëndetësisë, Venko Filipçe për “Slloboden Peçat” deklaroi se pjesëtari i URMV-së do të hospitalizohet në Klinikën Infektive në Shkup.
Oficeri i sëmurë ishte në Republikën e Afrikës Qendrore në rolin e trajnuesit të forcave ushtarake lokale, bashkë me edhe një koleg të tij nga Maqedonia e Veriut.
Një oficer nga misioni në Afrikë me evakuim mjekësor do të sillet në Shkup shkruan Telegrafi.