Dy deputetë nga Kuvendi i Republikës së Maqedonisë së Veriut në dy ditët e fundit kanë deklaruar se janë pozitivë për Covid-19, ndërsa ende nuk ka informacion se sa nga kolegët dhe punonjësit e tyre për shkak të kontaktit me ta do të duhet të shkojnë në vetë-izolim ose të bëjnë teste nëse kanë simptomat e sëmundjes. Ministri i Shëndetësisë Venko Filipçe sot tha se gjatë ditës do të dihet se sa deputetë duhet të shkojnë në vetizolim sepse anketat epidemiologjike janë ende duke u përgatitur.
“Sot do ta dimë sepse anketat epidemiologjike duhet të përfundojnë”, tha Filipçe.
Deputeti Laze Tanevski nga LSDM sot përmes profilit të tij në Facebook njoftoi se është pozitiv për Covid-19, ndërsa dje shërbimet parlamentare informuan për deputetin Ismail Jahoski nga BDI.
Nga Kabineti i kryetarit të Kuvendit, Talat Xhaferi nuk komentojnë se si do të shkojë puna e legjislaturës në javët e ardhshme.
Xhaferi në mënyrë të përsëritur ka paralajmëruar që puna e Kuvendit duhet të harmonizohet me kushtet e reja të punës, por që të ndodhë kjo, Rregullorja e punës së Kuvendit duhet të ndryshohet. Partitë në pushtet të udhëhequra nga LSDM besojnë se Kuvendi duhet të ketë mundësinë për punë online, ndërsa opozita OBRM-PDUKM vlerësojnë se Kushtetuta nuk e lejon atë./Telegrafi/
The post Nuk dihet se sa deputet do të vetizolohen për shkak të Jahoskit dhe Taneskit të cilët janë infektuar appeared first on Telegrafi.
