Pas informacioneve për shtyrjen e pranim-dorëzimit të 8000 vaksinave kundër Covid-19, që janë pjesë e donacionit të Serbisë për Maqedoninë e Veriut, nga OBRM-PDUKM-ja opozitare kanë reaguar duke e akuzuar kryeministrin Zoran Zaev për paaftësi.
OBRM-PDUKM kërkon dorëheqjen e ministrit të Shëndetësisë, Venko Filipçe.
“Vonesa në pranim-dorëzimin e vaksinave që Qeveria Zaev e paralajmëroi për 10 ditë është pjesë e turpit dhe paaftësisë epike të Zaevit. Në vend që të justifikohen se edhe kjo është vetëm një perceptim, nesër ne presim që Filipçe të nënshkruaj dorëheqjen e tij dhe ta shpëtojë vendin nga paaftësia dhe turpi epik”, thuhet në reagimin e OBRM-PDUKM-së.
Ndryshe, Qeveria njoftoi se për shkak të harmonizimit të dokumenteve teknike, do të shtyhet pranim-dorëzimi i vaksinave, që ishte paraparë për sot në vendkalimin kufitar “Tabanoc”./Telegrafi/
OBRM-PDUKM për vonesën e vaksinave: Paaftësi e Zaevit, Filipçe të jep dorëheqje shkruan Telegrafi.