Grupi parlamentar i Aleancës së Shqiptarëve dhe Alternativës reagoi sot se pyetësori për regjistrimin e diasporës nuk është në përputhje me nenin 34 të Ligjit të Regjistrimit në lidhje me përdorimin e gjuhës. ASH dhe Alternativa nuk do të mbështesin ligjin për anulimin e Ligjit mbi Regjistrimin, të paraqitur nga OBRM-PDUKM.
“Pyetësori është në kundërshtim me nenin 34 të Ligjit për Regjistrimin në lidhje me përdorimin e gjuhëve. Neni 34 paragrafi 1 thotë që aplikimi përgatitet në shtatë gjuhë të ndryshme dhe regjistrimi kryhet në gjuhën e zgjedhur nga personi në numër. Kemi dokument ku pyetjet janë në gjuhën shqipe, përgjigjet duhet të jepen në maqedonisht, disa pyetje kanë vetëm alfabet qirilik në maqedonisht. Ne i bëjmë apel Entit Shtetëror të Statistikave që të ndërhyjë dhe të korrigjohet vetë”, tha deputeti Halil Snopçe nga Aleanca e Shqiptarëve.
Sipas tij, ka qytetarë tanë që jetojnë jashtë dhe që nuk flasin maqedonisht. Paralajmëron se një punë e tillë mund të shkaktojë të dhëna të gabuara.
ASH dhe Alternativa nuk do të mbështesin ligjin për anulimin e Ligjit për Regjistrim, me procedurë urgjente, të cilën OBRM-PDUKM paraqiti sot në Kuvend. Snopçe thekson se ata janë të interesuar që ky proces, i cili tashmë ka filluar, të përfundojë dhe se ata dhe OBRM-PDUKM kanë pikëpamje dhe vërejtje të ndryshme në lidhje me procesin./Telegrafi/
Opozita shqiptare nuk do të mbështes nismën e OBRM-PDUKM-së për anulimin e regjistrimit shkruan Telegrafi.