Pandemia nuk ka të ndalur, Maqedonia vazhdon luftën e saj me coronavirusin

Pinterest LinkedIn Tumblr +

Tre të vdekur dhe 168 raste të reja ishte bilanci i djeshëm në Maqedoninë e Veriut. Pandemia nuk ka të ndalur, ndërsa autoritetet thonë se spitalet kanë kapacitet të mjaftueshëm për t’i pranuar pacientët.

Deri tani janë bërë 72.690 testime, ndërsa momentalisht në Maqedoninë e Veriut ka 3.586 raste aktive, përcjell Telegrafi Maqedoni.

Krahas deklarimeve të OBSH-së se coronavirusi bartet edhe përmes ajrit, ende nuk rekomandohet mbajtja e maskave në hapësira të hapura, gjatë vozitjes së biçikletës apo në lift.

“Në spitale ka kapacitete të mjaftueshme për akomodimin e pacientëve me coronavirus, dhe e zbrazët është spitali montues. Sërish ka nën 100 pacientë në spitalin ‘8 shtatori’, në Klinikën për Sëmundje Infektive ende ka vende të lira dhe në të gjitha repartet tjera ka numër të mjaftueshëm të vendeve të lira”, tha ministri i Shëndetësisë, Venko Filipçe.

Advertisement

Në klinikën infektive, sipas të dhënave të fundit për 24 orët, janë pranuar nëntë pacientë dhe ka 92 persona të hospitalizuar. Në spitalin në Kozle ka 20 pacientë të moshuar me coronavirus, dy fëmijë dhe tre të dyshuar. Në spitalin ‘8 shtatori’ janë pranuar 16 persona, ndërsa numri i përgjithshëm arrin deri në 94 pacientë. Poashtu në spitalin e Manastirit janë hospitalizuar 44 pacientë, ndërsa në Shtip janë hospitalizuar 47. Në repartet infektive në Tetovë, Ohër, Gostivar, Veles, Kumanovë, Prilep dhe Strumicë gjithsej ka 110 pacientë me coronavirus.

Filipçe dje shkroi se për më shumë se 20 ditë kemi numër stabil të pacientëve të hospitalizuar. Përqindja e të hospitalizuarve nga rastet aktive nuk tejkalon 12, dhe thuajse dy javë është stabil numri i rasteve aktive.

“Pas valës së dytë të coronavirusit, prioritet ynë i parë ishte dhe mbetet që ta mbrojmë sistemin shëndetësor, t’i mos ngarkojmë kapacitet spitalore, dhe çdo pacient të hospitalizuar ta ketë kujdesin e nevojshëm”, tha ministri duke bërë apel që të respektohen masat siç janë mbajtja e maskave, mbajtja e largësisë trupore, higjiena e vazhdueshme dhe larja e duarve./Telegrafi/

Pandemia nuk ka të ndalur, Maqedonia vazhdon luftën e saj me coronavirusin shkruan Telegrafi.

Advertisement
Share.

Comments are closed.

Copyright © 2023 Struga.info | Privacy policy