Një vit pas njoftimit të skandalit të “Dhomës Publike” për grupin në rrjetin social “Telegram”, ku mijëra anëtarë ndanin fotografi të vajzave nga Maqedonia, përfshirë edhe të mitura, është hapur sërish dhe është aktual.
Sipas informacioneve të fundit “Dhoma Publike” këtë herë ka disa grupe, të cilat kanë nga 5 mijë anëtarë, të cilët përdorin pseudonime dhe numrat e tyre nuk mund të shihen.
Disa prej anëtarëve përdorin emra të ministrave dhe biznesmenëve, ndërsa është e pamundur të vërtetohet autenticiteti i tyre, përcjell Telegrafi Maqedoni.
Ajo që mund të shihet janë fytyrat e vajzave, fotografitë e të cilave shpërndahen në këtë grup.
Kjo aferë vitin e kaluar u hap nga “A1on”, ndërsa krijuesi i këtij grupi atëherë deklaroi se nuk ka pasur qëllim që ky grup të shndërrohet material pornografik.
Disa ditë më pas, vitin e kaluar ai u paraqit vet në polici, ndërsa kundër tij u parashtrua kallëzim penal.
Pritet të shihet nëse MPB do të merr masa për këtë grup në rrjetin social “Telegram”./Telegrafi/
Pas një viti rikthehet “Dhoma Publike” në Telegram, shpërndahen fotografi eksplicite të vajzave nga Maqedonia shkruan Telegrafi.