Pas tre takimeve Zaev – Gashi reagon edhe Aleanca për Shqiptarët: A vlen marrëveshje jonë ende

Pinterest LinkedIn Tumblr +
Pas tre takimeve Zaev – Gashi reagon edhe Aleanca për Shqiptarët: A vlen marrëveshje jonë ende

Aleanca për Shqiptarët nëpërmjet një njoftimi thonë se autonomia politike e çdo subjekti është fakt i pranuar për Aleancën për Shqiptarët, ashtu siç marrëveshjet e nënshkruara ndërmjet subjekteve qofshin këto edhe politike, nënkuptojnë heqje dorë nga një pjesë e autonomisë së saj.

Nga kjo parti theksojnë se marrëveshja e nënshkruar mes tyre dhe Alternativës definon edhe kriteret dhe afatet kohore të këtij koalicioni dhe se në nenin 6 të kësaj marrëveshjet thuhet se “Palët ranë dakord që ky bashkëpunim të vlejë deri në zgjedhjet e ardhshme parlamentare”.

“Rrjedhimisht Alternativa duhet të sqarojë pozicionet e saja në lidhje me këtë marrëveshje të cilën po e shkel minimum tre herë radhazi, duke u takuar publikisht me kryeministrin në dorëheqje, Zoran Zaev, për të negocjuar mundësinë e hyrjes në Qeveri”, thonë nga ASH.


Qeveria tregon se çfarë është biseduar në takimin Zaev – Gashi

Advertisement

Ata shtojnë se se heshtja e tyre e deritashme nuk është dobësi, por seriozitet ndaj firmës që ndodhet në marrëveshjen politike.

“Pritja ka të bëjë me mundësinë që duam ta japim për të reflektuar në lidhje me hapat politike që janë ndërmarrë nga ana juaj. Minimumi i korrektesës që ne presim nga ju është të deklaroheni a vlen apo jo marrëveshja e nënshkruar mes Aleancës për Shqiptarët dhe Alternativës? Në qoftë se jo atëherë ne s’na ngelet gjë tjetër vetëm se të ju urojmë suksese në rrugëtimin juaj, për ne të gabueshëm dhe në kundërshtim të plotë me verdiktin të shprehur me votë nga ana e qytetarëve që votuan koalicionin Aleanca për Shqiptarët dhe Alternativa. Shprehim keqardhje për zhgënjimin që ju bëni votuesve opozitarë të cilët na mbështetën kundër kësaj qeverie. Të njëjtëve ne ju mbetemi besnik në rrugëtimin tonë të mëtejmë duke i mbajtur dyert hapur për të gjithë ata që e kanë të shenjtë fjalën e dhënë para qytetarëve. Informojmë opinionin se në të ardhmen, Aleanca për Shqiptarët do të mendojë mirë me kë do të nënshkruajë marrëveshje për koalicionim”, thuhet në fund të njoftimit./Telegrafi/

Advertisement

Pas tre takimeve Zaev – Gashi reagon edhe Aleanca për Shqiptarët: A vlen marrëveshje jonë ende shkruan Telegrafi.

Share.

Comments are closed.

Copyright © 2023 Struga.info | Privacy policy