Sot në sheshin “Maqedonia” në Shkup, SPB Shkup dhe Kryqi i Kuq i Qytetit të Shkupit kanë simuluar pasojat nga përdorimi i mjeteve piroteknike në kuadër të fushatës për parandalimin e dëmeve nga përdorimi i tyre.
Qëllimi, siç qëndron në kumtesën e Ministrisë së Punëve të Brendshme është që të ndikohet në vetëdijen e qytetarëve për mospërdorim të këtyre mjeteve.
Nga MPB njoftojnë se do të vazhdojnë me fushatën parandaluese, me qëllim që qytetarëve t’u tregohet për pasojat e mundshme nga përdorimi i mjeteve piroteknike, veçanërisht aktualja para festave të fundvitit dhe të krishtlindjeve.
Kanë ndërmarrë edhe masa respresive, me qëllim sanksionimin e përdorimit të mjeteve piroteknike dhe i kujtojnë qytetarët për dispozitat ligjore në të cilat është sanksionuar përdorimi i mjeteve piroteknike dhe shitja e tyre ilegale.
Kështu, Ligji për kundërvajtje kundër rendit dhe qetësisë publike parasheh gjobë prej 200 deri në 500 euro në kundërvlerë denari për personat që shpërthen mjete piroteknike.
Kujtojnë edhe dispozitat e Kodit Penal për përpunim, mbajtje dhe tregti të palejuar me armë dhe materie shpërthyese:
ai i cili përpunon në mënyrë paautorizuar, mban, shit, furnizon dhe kryen shkëmbim me armë zjarri, municion dhe materie shpërthyese, do të dënohet me prej 3 deri në 10 vjet. Nëse lëndë e veprës nga paragrafi 1 është më e madhe se sasia e armës së zjarrit, municion dhe materie shpërthyese të cilat u ndalohen qytetarëve, kryerësi do të dënohet më së paku deri në 5 vjet burg.
The post Pasojat nga lëndët piroteknike, MPB ua kujton qytetarëve dënimet nga përdorimi i tyre appeared first on Telegrafi.