Presidenti Stevo Pendarovski sot në bisedë telefonike me presidentin e Austrisë, Alexander Van der Bellen dënoi sulmin terrorist që ndodhi në qendër të Vjenës dhe shprehu keqardhje për viktimat.
Sipas njoftimit të kabinetit të Pendarovskit, presidenti ka shprehur ngushëllime për qytetarët e Austrisë si dhe për familjet e viktimave dhe të lënduarve, njofton Telegrafi Maqedoni.
Presidenti i vendit shprehu gatishmëri për bashkëpunim në drejtim të parandalimit të radikalizmit dhe terrorizmit të motivuara nga fundamentalizmi fetar.
“Dy presidentët vlerësuan se akti i mbrëmshëm terrorist në Vjenë është sulm ndaj vlerave të përbashkëta në të cilat besojmë dhe ndaj mënyrës së jetesës”, thuhet në njoftimin e presidentit Pendaroski./Telegrafi/
Pendarovski dënon sulmin terrorist në Vjenë shkruan Telegrafi.
