Përfundon afati i vazhduar për lajmërimin e dëmeve të shkaktuara nga zjarret në Kumanovë

Pinterest LinkedIn Tumblr +

Përfundon afati i vazhduar për paraqitjen e kërkesave për lajmërimin e dëmeve materiale të shkaktuara nga zjarret që kanë ndodhur muajin e kaluar në disa fshatra në Kumanovë, njoftuan sot autoritetet komunale. U thirrën banorët e fshatrave Çetircë, Sopot, Tabanocë, Zubovcë, Kleçovcë, Murgash, Dovezencë, Novoselan dhe Belakovcë, pronat dhe objektet e të cilëve u prekën nga zjarret që ndodhën në periudhën nga 2 deri më 11 gusht të këtij viti.

Afati u zgjat edhe për pesë ditë shtesë, në mënyrë që, theksojnë nga komuna, banorët të lajmërojnë dëmet në prodhimet dhe mallrat e tyre në komision për vlerësimin e dëmeve nga fatkeqësitë natyrore në komunën e Kumanovës.

“Njoftojmë qytetarët e tjerë që tashmë kanë paraqitur një kërkesë, e cila nuk është plotësuar me të gjitha dokumentet e nevojshme, se ata do të kontaktohen nga anëtarët e komisionit për vlerësimin e dëmit të komunës së Kumanovës dhe është e nevojshme që dokumentet të dorëzohen si sa më shpejt të jetë e mundur”, informuan nga komuna.

Për më tepër, banorët duhet të dorëzojnë kopje të letërnjoftimit me deklaratë të të dhënave personale të nënshkruar nga aplikuesi dhe llogari transaksioni, kopje të një dokumenti pronësie ose marrëveshje qiraje ose dëshmi tjetër të përdorimit të tokës së mbuluar nga zjarri.

Advertisement

Për informacione më të hollësishme, personat mund të drejtohen në hapësirat e komunës së Kumanovës.

Përfundon afati i vazhduar për lajmërimin e dëmeve të shkaktuara nga zjarret në Kumanovë shkruan Telegrafi.

Share.

Comments are closed.

Copyright © 2021 Struga.info | Privacy policy