Partia opozitare maqedonase OBRM-PDUKM, ka reaguar pas përleshjes me armë në qendrën tregtare në Shkup.
Nga kjo parti thonë se ministri i Punëve të Brendshme, Oliver Spasovski duhet të japë dorëheqje.
“Para 3 ditësh ministri tha se tërësisht i kanë shkatërruar grupet kriminale. Sot, në mes të ditës përleshje e re kriminale në qendër tregtare në Shkup. Në këtë qendër tregtare shkojnë të gjitha grupet e njerëzve: të moshuar, të rinj, meshkuj, femra, prindër me fëmijë… Spasovski sërish e mashtroi opinionin”.
“Qytetarët nuk janë të sigurt përsëris: Policia nën udhëheqjen e LSD-së dhe BDI-së nuk kanë aspak autoritet. MPB sërish ka vdekur. Në vend që Spasovski të zhvillojë fushatë për president, duhet të japë dorëheqje”, tha Dragan Kovaçki nga OBRM-PDUKM.
The post Përleshjet me armë në Shkup, opozita kërkon dorëheqjen e Spasovskit appeared first on Telegrafi.