Prokuroria Themelore Publike për Ndjekjen e Krimit të Organizuar dhe Korrupsionit ka ngritur aktakuzë kundër kryetarit të Komunës së Strugës, Ramiz Merko, lidhur me blerjen e veturës luksoze “Audi”.
Siç njoftuan nga Prokuroria në takim me gazetarët, sipas prokurorit që trajton rastin, nisma e Komisionit Shtetëror për Parandalimin e Korrupsionit (KSHPK) ka mbërritur pak më vonë dhe procedura para hetimore ka qenë e mundimshme.
“Ndaj Ramiz Merkos është ngritur aktakuzë me iniciativë të KSHPK-së, e cila ka mbërritur pak më vonë. Procedura para hetimore ka qenë e mundimshme dhe më në fund kemi mbledhur prova të mjaftueshme. Akuza i referohet “keqpërdorimit të pozitës zyrtare” në lidhje me Audin, neni 353 paragrafi 3 në lidhje me paragrafin 1”, tha prokurori.
Në vitin 2020, KSHPK ngriti iniciativë për të ndjekur penalisht Merkon për blerjen e automjeteve të pasagjerëve, përfshirë një Audi A6 me vlerë 67,000 euro, por më pas Prokuroria e mbylli çështjen në fazën e hetimeve paraprake, edhe pse auditorët konstatuan se Tenderi është realizuar në kohën e paqëndrueshmërisë financiare të Komunës së Strugës./Telegrafi/
The post Prokuroria ngrit aktakuzë ndaj kryetarit të Strugës, Ramiz Merko appeared first on Telegrafi.
