Telegrafi Maqedoni ka biseduar me menaxhmentin e Philip Morris Maqedoni për të kuptuar arsyen se pse regjistrohen klientët gjatë marrjes së një paisje IQOS. Për këtë nga Philip Morris Maqedoni thonë se kjo ndikon pozitivisht tek klientët pasi ju mundësohet atyre mbështetetje teknike, por edhe mundësi për përfitim nga dhuratat dhe mundësitë e reja, të cilat i dërgohen së pari klientëve. Gjithashtu, nga atje thonë se të dhënat e klientëve ruhen në vend të sigurtë dhe asesi nuk mund të keqpërdoren të njejtat.
“Regjistrimi i çdo pajisje të re është thelbësor për çdo përdorues. Së pari, siguron që të merrni informacione të rëndësishme për produktin, si dhe të gjitha njoftimet përkatëse. Kjo ndihmon për t’ju mbajtur të informuar për të gjitha shërbimet e disponueshme, produktet e reja, si dhe programet dhe përfitimet aktuale. Përveç garancisë ligjore për produktet tona, regjistrimi lejon qasje shërbime shtesë të mbështetjes së klientit, të tilla si dëmtime fizike, mbështetje ndërkombëtare, etj. Konkretisht, në rast se hasni ndonjë problem me pajisjen tuaj, regjistrimi do t’ju lejojë të kërkoni ndihmë në mënyrë më efikase.
Regjistrimi është proces që i kushtojnë shumë vëmendje. Ky proces bëhet vetëm nga ana e personave të trajnuar, që kanë kaluar trajnime adekuate për regjistrim të rregullt të përdoruesve dhe rregullativë ligjore për punë të përgjegjshme me të dhënat. Me këtë parandalohet keqpërdorimi i të dhënave personale, si dhe komunikimi joadekuat me përdoruesit. Shtesë, kompania jonë në punën e saj praktikon standarde globale për mbrojtje dhe ruajtje të të dhënave, me çka siguron që gjithë përdoruesit e regjistruar në bazën tonë të kenë trajtim të lartë të informacioneve që i ndajnë me ne, të njëjtat përdoren vetëm për të siguruar përvojë më të mirë për përdoruesit. Regjistrimi i përdoruesit bëhet një herë, gjatë blerjes së parë të pajisjes. Pastaj, çdo pajisje e blerë regjistrohet në emër të përdoruesit adekuat, nëpërmjet kodit të vetëm identifikues të çdo pajisje” thonë nga Philip Morris.
Pse duhet të regjistroheni kur merrni një pajisje IQOS? shkruan Telegrafi.
