Sindikata e Pavarur e Shëndetësisë dhe Sindikata e Pavarur e Geriatrisë sot dolën të kënaqur nga takimi në Ministrinë e Shoqërisë Informative dhe Administratës, ku u konstatua se ka një numër të madh të anomalive në kontratat kolektive të punëtorëve shëndetësorë. Sindikatat kanë dërguar kërkesa për zgjidhjen e kësaj çështje si në Ministrinë e Financave ashtu edhe në Ministrinë e Shëndetësisë, por nuk kanë marrë përgjigje. Nëse nuk marrin zgjidhje deri në shtator, paralajmërojnë një “vjeshtë të nxehtë” me protesta bashkë me policinë.
“Në takim u vendos se në marrëveshjen kolektive ka një sërë anomalish sa i përket punëtorëve shëndetësorë, personelit administrativ shëndetësor dhe personelit teknik, të cilat duhet të zgjidhen gradualisht”, tha koordinatori nacional për sindikatat e pavarura të shëndetësisë, Bobi Bojçevski pas takimit të sotëm në MSHIA.
Ai shtoi se punëtorët shëndetësorë janë sjellë në margjinalizim për të mbijetuar një ditë.
“Prandaj si sindikatë e pavarur do të luftojmë që kjo kategori njerëzish të zgjidhin këto anomali nga grupi i parë në të katërt, ku sipas kompleksitetit të marrëdhënieve të punës grupi i parë ka pagë më të lartë se grupi i katërt ka” thënë Bojçevski.
“Nëse këto gjëra nuk zgjidhen në shtator, ne do të kërkojmë protestë dhe do të kërkojmë rritje 30 për qind të pagave të punonjësve të shëndetësisë. Kur punëtorëve të tjerë mund t’u rritet paga për 30 për qind, ne ndihemi të diskriminuar në këtë shoqëri”, theksoi Bojçevski dhe paralajmëroi protesta masive në shtator të cilat do të përkrahen nga të gjitha sindikatat.
Marrëveshja për paga më të larta në sektorin publik ka ndarë sindikatat. Sektorët të cilët protestojnë këkrojnë 30 për qind paga më të larta, ndërsa morën vetëm 10 për qind rritje. Disa sindikata do të vazhdojnë t’i shprehin pakënaqësitë e tyre nga shtatori./Telegrafi/
Punonjësit shëndetësorë në Maqedoni paralajmërojnë protesta nëse kërkesat e tyre nuk zgjidhen deri në shtator shkruan Telegrafi.