Shtetasi i Maqedonisë së Veriut, Martin Jovanovski u zhduk 18 ditë më parë nga plazhi i Mitit në Posidi të Halkidikit, por as shërbimet greke dhe as vullnetarët nga Maqedonia nuk heqin dorë nga kërkimi i tij.
“Zona me ngjyrë blu është kaluar nga shërbimet greke. Zona me të kuqe është mbuluar në mënyrë të pavarur nga ekuipazhi ynë. Hetimi vazhdon nga të dyja palët. Roja Bregdetare informon çdo ditë varkat dhe peshkatarët, OFKAT vazhdon me planin e tyre, dhe ne me tonën”, thuhet në postimin në grupin në Facebook “Të gjithë për Martinin”, shkruar nga miku i tij Ivan, i cili u shpëtua pas 19 orësh qëndrimi në ujë.
Ditët e mëparshme shërbimet greke po kërkonin 31-vjeçarin Martin dhe drejt brigjeve turke të detit Egje pasi kontrolluan me anije dhe dronë rreth gadishullit të Halkidikit.
Zona pranë Lesbos, Samos dhe Athos u kontrollua gjithashtu nga ajri.
U kontrollua edhe shtrati i detit me dron nënujor, por nuk kishte asnjë gjurmë të djalit të zhdukur.
Vëllai dhe nëna e tij ndodhen në Halkidiki në pritje të çdo informacioni për të.
Shokët e tij Vasili dhe Ivani u shpëtuan nga ujrat e detit disa orë pas zhdukjes, pushimet e tyre në plazhin e rrezikshëm të Mitit shkuan keq dhe tre djemtë nga Shkupi u tërhoqën nga rryma detare në ujrat e trazuar.
“Më 23 korrik, kërkimet vazhduan nga ajri me përfshirjen e Aeroklubit të Selanikut”, tha Shërbimi Bregdetar Grek OFKAT në faqen e Facebookut.
Pak shpresë se Martini do të gjendej dhanë pantallonat e shkurtra të zeza që uji kishte nxjerrë në breg, të ngjashme me ato që kishte veshur ditën kur u zhduk.
Në Maqedoni përmes operatorëve celularë dhe Kryqit të Kuq po mblidhen donacione nga qytetarët për të vazhduar kërkimet deri në gjetjen e tij.
Që 18 ditë Martini i zhdukur në ujrat e detit grek, ekipet e shpëtimit vijojnë kërkimet shkruan Telegrafi.