Para Komunës së Kërçovës sot është mbajtur protestë me të cilën kërkohet zgjidhje e problemit me qentë e rrugës, ndërmarrje e aktiviteteve të punës, përfundimi i rindërtimit të rrugëve “Boris Kidriq” dhe “Republika Uzhiçka”, por edhe zgjidhje e problemit me deponitë e qytetit.
Në protestë u kërkua edhe ndalimi i të ashtuquajturve kufizimin e energjisë elektrike dhe ndriçimin rrugor të gjithë komunës, ndërsa në seancën e ardhshme të Këshillit të vendosen në rend dite këto katër pika.
“Sot ne jemi këtu qytetarë të të gjitha moshave dhe të gjitha kombësive dhe të gjithë e dimë se si ishte qyteti ynë dhe si duket sot. Përkundrazi, nuk duket si një komunë moderne. Nëse në të kaluarën secili prej nesh, i vogël e i madh, mund të lëvizte lirshëm në rrugë në çdo kohë të ditës apo natës, pa frikë, sot është pothuajse e pamundur, dhe arsyet janë qentë endacakë, errësira e rrugëve dhe rrugët e gërmuara”, theksoi një nga qytetarët e pranishëm në tubim.
Qytetarët theksuan se ka pasur premtim për parqe të gjelbra për fëmijët, por në vend të tyre ka rrugë të hapura dhe mbeturina nga prishja e objekteve.
“I bëjmë thirrje kryetarit të zbresë nga automjetet e tij luksoze dhe të ecë natën në rrugë për të parë se në cilin qytet është kryetar komune dhe në çfarë niveli e solli me qeverisjen e tij të papërgjegjshme”, shtuan të pranishmit në protestë./Telegrafi/
Qytetarë e Kërçovës kërkojnë zgjidhet problemi me qentë endacak dhe deponitë e qytetit shkruan Telegrafi.
