Presidenti i Bullgarisë, Rumen Radev do të udhëheqë me delegacionin bullgar, ndërsa Stevo Pendarovski me delegacionin e Maqedonisë së Veriut dhe do të takohen në Kishën Katolike në Romë për të shënuar 24 majin.
Radev dhe Pendarovski do të rikujtojnë veprën e vëllezërve Kirili dhe Metodi në Romë.
“Falënderoj presidentin Pendarovski që pranoi ftesën time që të shkojmë bashkërisht në Romë, bashkërisht t’i nderojmë vëllezërit e shenjtë Kirili dhe Metodi, të udhëtojmë bashkërisht, të kthehemi bashkë”, tha Radev.
Ndryshe, Radev gjatë ditës së djeshme deklaroi se Bullgaria është miku më i madh i Maqedonisë së Veriut dhe po ashtu perspektiva evropiane e vendit kalon nëpër Sofje./Telegrafi/
Radev dhe Pendarovski bashkërisht në Romë në takim me papën shkruan Telegrafi.