Raporti javor: Rritje për 56% e rasteve të reja me COVID-19 në Maqedoni

Pinterest LinkedIn Tumblr +

Instituti për Shëndet Publik e ka publikuar raportin javor për gjendjen me coronavirusin në vend, për periudhën prej 22 deri 28 shkurt të vitit 2021. Sipas raportit, në këtë periudhë janë testuar gjithsej 20.161 materiale në Laboratorët ku bëhen analiza molekulare për vërtetimin e pranisë së virusit SARS-CoV-2. Krahasuar me javën që shkoi është shënuar një rritje prej 27,2%.

Pozitivë në këtë javë kanë rezultuar 3.628 raste, nga 32 qytete, me një rritje të numrit nga java e kaluar për 56,4%. Numri më i madh i rasteve të reja janë regjistruar në Shkup (n=1.675; 46,2%), si dhe incidencë javore–271,2/100.000. Incidencë më e lartë javore është regjistruar në Negotinë dhe Kavadar – 641,4/100.000 banorë.

Raste të reja janë regjistruar tek të gjitha grupmoshat, ndërsa numri më i madh i përket grupmoshës mbi 60 vjet (n=911, 25,1%). Numër i madh i të prekurve është regjistruar edhe tek grupmosha nga 30-39 (n=666; 18,4%), 40-49 (n=660; 18,2%), 50-59 (n=612; 16,9%) dhe 20-29 (n=530; 14,6%). Numër më i vogël është regjistruar tek fëmijët nga 0-9 (n=61; 1,7%) dhe 10-19 vjet (n=188; 5,2%).

Sipas gjinisë janë regjistruar 1.762 (48,5%) femra dhe 1.866 (51,5%) meshkuj.

Advertisement

Pas dy testeve negative, ose sipas algoritmit të ri, si të shëruar konsiderohen 1.766 persona që kanë qenë të shtruar në spital ose në trajtim shtëpiak, që është njësoj si javën e kaluar.

Janë raportuar 69 raste të vdekjes nga 20 qytete, për një më pak se javën e kaluar. Sa i përket moshës, 60 persona kanë qenë në moshë mbi 60 vjet, 5 në moshë nga 50-59 vjet, 3 në moshë nga 40-49 vjet dhe 1 person në moshë 30-39 vjet./Telegrafi/

Raporti javor: Rritje për 56% e rasteve të reja me COVID-19 në Maqedoni shkruan Telegrafi.

Advertisement
Share.

Comments are closed.

Copyright © 2023 Struga.info | Privacy policy