Shërbimet inspektuese të Komunës së Gazi Babës, me ndihmën e Ministrisë së Punëve të Brendshme, sot kanë rrënuar një objekt afarist të ndërtuar ilegalisht në vendin Inxhikovë.
Përveç shërbimeve inspektuese, në rrënim mori pjesë edhe kryetari i Komunës së Gazi Babës, Boban Stefkovski, i cili thotë se askush nuk është mbi ligjin.
“Nuk do të lejojmë që mafia urbane të kalojë nëpër Komunën e Gazi Babës. Kompromis me zbatimin e Ligjit, as kam bërë dhe as do ta bëj. Apeloj qytetarët që të respektojnë Ligjet që të mos kemi situata të tilla të pakëndshme. Nuk do të ndalemi këtu”, tha Stefkovski.
Ndërtimi i këtij objekti afarist u konfirmua nga shërbimet inspektuese të Komunës së Gazi Babës në fillim të muajit gusht, gjatë së cilës u dha masa për ndërprerjen e ndërtimit, të cilën personi nuk e ka respektuar dhe ka vazhduar me ndërtimin. Sipas përcaktimeve ligjore, shërbimet morën vendim për rrënimin e objektit, i cili u krye sot.
Rrënohet një objekt pa leje në Gazi Babë të Shkupit, do të ndërtohet çerdhe shkruan Telegrafi.