Ministria për Punë të Brendshme informon se dje (28.03.2022) ka vazhduar me kontrollet e intensifikuara të veprimit në fushën e trafikut.
Nga MPB thonë se në territorin e qytetit të Shkupit janë shqiptuar gjithsej 153 gjoba, nga të cilat 32 për drejtim të automjetit mbi shpejtësinë e lejuar, 10 gjoba për drejtim të automjetit pa patentë shofer, tri sanksione për automjete të paregjistruara.
“Shtatë gjoba për përdorimin e celularit, gjashtë sanksione për shofer fillestar, tre gjoba për mospërdorimin e rripit të sigurimit, katër sanksione për parakalim dhe shmangie të paligjshme, tre masa për kundërvajtje të kryera nga motoçiklistë, 48 për parkim të paligjshëm”.
“Aksionet e intensifikuara të kontrolleve vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit për të rritur sigurinë në komunikacion dhe së bashku të kontribuojmë për rrugë më të sigurta”, thonë nga MPB./Telegrafi/
Shkup: 153 gjoba për shkeljet në trafik, 32 për tejkalim të shpejtësisë shkruan Telegrafi.