Spasovski: 30 persona me kapela e shkaktuan tërë sulmin ndaj institucioneve dhe policëve

Pinterest LinkedIn Tumblr +

Ministri i Punëve të Brendshme, Oliver Spasovski sot vizitoi në spital dy policët që janë lënduar rëndë nga përleshja e djeshme mes protestuesve dhe policisë në Kuvendin e Maqedonisë së Veriut.

Spasovski dënoi ashpër sulmin ndaj organeve të rendit, tha se gjithsej janë lënduar 47 policë, ndërkaq dy prej tyre janë me lëndime serioze.

“Ja tani ishim në vizitë te dy kolegë, që ndodhen në Klinikën Universitare për Neurokirurgji dhe janë me lëndime më serioze, të lënduar më rëndë, kemi edhe 11 kolegë ndërsa pjesës tjetër i është ofruar ndihmë mjekësore dhe gjithsesi se janë në shërim shtëpiak”, tha Spasovski.

Ministri ka theksuar se gjatë protestave janë lënduar 47 policë, ndërsa asnjë qytetar nuk është lënduar, por ata që kanë sulmuar policët janë arrestuar.

Advertisement

“Ky rast të kujton rastin e 27 prillit, 30 persona me kapela e shkaktuan tërë sulmin ndaj institucioneve dhe policëve”, tha Spasovski.

Ai theksoi se demokraci nuk do të thotë anarki.

Ministri bëri të ditur se dje janë arrestuar 11 persona, 2 prej të cilëve të mitur.

“Kushdo që godet policin dhe objektin jetësor në vend do të dënohet ashpër”, tha Spasovski./Telegrafi/

Advertisement

Spasovski: 30 persona me kapela e shkaktuan tërë sulmin ndaj institucioneve dhe policëve shkruan Telegrafi.

Share.

Comments are closed.

Copyright © 2023 Struga.info | Privacy policy