Spasovski realizoi bisedë telefonike me Kurtin

Pinterest LinkedIn Tumblr +

Kryeministri i Maqedonisë së Veriut, Oliver Spasovski ka realizuar bisedë telefonike me kryeministrin e Kosovës, Albin Kurti.

Siç njoftojnë nga Kabineti i Spasovskit, në bisedën telefonike dy homologët kanë biseduar për çështjen se “si të koordinohen masat për mbrojtjen e shëndetit të qytetarëve, për restartim të ekonomisë dhe për fuqizim të lidhjeve të të dy shteteve në kushtet e reja”.

Nga Kabineti i Spasovskit shtojnë se Kurti e ka uruar Spasovskin për mënyrën se si është menaxhuar situata me virusin korona në Maqedoninë e Veriut.

“E ka ururar dhe i ka dhënë mbështetje për mënyrën se si shteti po ballafaqohet me krizën ekonomike – shëndetësore të shkaktuar nga virusi korona”, thuhet në kumtesë.

Advertisement

Spasovski dhe Kurti kanë theksuar edhe nevojën për integrim sa më të shpejtë të Ballkanit Perëndimor në Bashkimin Evropian dhe rritjen e bashkëpunimit rajonal.

Share.

Comments are closed.

Copyright © 2021 Struga.info | Privacy policy