Ministri i Transportit dhe Lidhjeve, Goran Sugareski sot deklaroi se ende është herët të merret vendim për hapjen e aeroporteve.
“Për këtë temë po diskutohet, por ende është herët të merret vendim”, tha Sugareski duke u përgjigjur në pyetje të gazetarëve, përcjell Telegrafi Maqedoni.
Sugareski tha se koncesioneri i aeroporteve në Shkup dhe Ohër ‘TAV’ kanë bërë të ditur se nga momenti i hapjes së aeroporteve atyre do t’u duhen shtatë ditë.
Ndryshe, Qeveria si masë për të parandaluar përhapjen e coronavirusit, nga 15 marsi ka mbyllur aeroportin e Ohrit ndërsa nga 18 marsi aeroportin e Shkupit./Telegrafi/
Advertisement
Sugareski: Hapja e aeroporteve ende po diskutohet shkruan Telegrafi.