Pjesëmarrësit në Konferencën Rajonale Rinore #ThinkForward: Youth Action NOW !, organizuar nga Delegacioni i BE-së dhe Shtëpia e Evropës dhe i mbështetur nga Këshilli i Bashkëpunimit Rajonal (RCC) dhe Zyra Rajonale për Bashkëpunim Rinor (RYCO) do të marrin nën përgjegjësi sot Sallën Formale në Qeveria e Republikës së Maqedonisë.
Përpara kryeministrit të vendit, Dimitar Kovaçevski dhe anëtarëve të Qeverisë do të prezantojnë zgjidhje për çështjet në tri fusha diskutimi, njoftuan nga Delegacioni i BE-së në vend.
Delegacioni i Bashkimit Evropian dhe Shtëpia e Evropës këtë vit shënojnë Ditën e Evropës në kontekstin e vitit 2022 si Viti Evropian i Rinisë.
Tridhjetë aktivistë të rinj dhe ambasadorë të rinj evropianë nga Maqedonia dhe vende të tjera të Ballkanit Perëndimor kaluan dy ditë duke diskutuar zgjidhjet në lidhje me bashkëpunimin dhe pajtimin rajonal, shëndetin mendor, ndryshimet klimatike si dhe Marrëveshjen e Gjelbër e BE-së.
Këto fusha që janë diskutuar, janë të lidhura ngushtë me Objektivat Evropiane për rininë, që do të thotë se janë me interes për të rinjtë nga e gjithë Evropa.
“Me qëllim mbështetjen, angazhimin dhe fuqizimin, konferenca ka për qëllim të promovoi vlerat evropiane ndërmjet të rinjve nga i gjithë Ballkani Perëndimor”, thanë nga Delegacioni i BE-së.
Të rinjtë sot prezantojnë idetë evropiane para kryeministrit Kovaçevski dhe anëtarëve të Qeverisë shkruan Telegrafi.