Vazhdon rrënimi i objekteve ilegale në Ohër

Pinterest LinkedIn Tumblr +

Pesëmbëdhjetë objekte më të mëdha në Ohër do të duhet të prishen në periudhën e ardhshme. Kreu i Komunës Georgieski thotë se përkundër presioneve të shumta, ato nuk do të devijojnë dhe çdo objekt i paligjshëm do të prishet.

“Një pjesë e plazheve kanë gabarit më të madh. Disa janë objekte pa leje-pishina, të cilat zënë një pjesë të parcelës kadastrale, disa janë mure. Njerëzit po përpiqen në mënyra të ndryshme të shmangin drejtësinë dhe ligjin me presion politik, personal dhe të gjitha llojet, por kjo nuk do të ketë sukses”, deklaroi Konstantin Georgieski, Kryetar i Ohrit.

Qytetarët kanë mendime të ndara. Mirëpresin operacionin, por disa mendojnë se bëhet në mënyrë selektive.

“Duhet të pastrohet nga këtu deri në Shën Naum dhe nga këtu deri në Radozhdë, që të jetë siç duhet”.

Advertisement

“Çdo gjë e ndërtuar si objekt pa leje duhet në korniza të ligjit të vendoset në rend”.

“Anashkalohen objekte, në vendet ku prishja tashmë ka filluar, objektet harrohen. Shembuj janë Gorica 3 dhe Sllavia, ku ka filluar prishja. Disa objekte janë shembur, dhe disa jo, dhe ne të gjithë e dimë se ato janë objekte të paligjshme”.

Një vit më parë, UNESKO i dha edhe një mundësi Ohrit dhe rajonit për të përmbushur vërejtjet, përfshirë problemin më të madh me ndërtimet pa leje./Alsat/

Advertisement

Vazhdon rrënimi i objekteve ilegale në Ohër shkruan Telegrafi.

Share.

Comments are closed.

Copyright © 2023 Struga.info | Privacy policy