Ministri i Shëndetësisë Venko Filipçe, sot në konferencë për shtyp ka raportuar për gjendjen me coronavirusin.
Ai ju bëri thirrje qytetarëve që t’i respektojnë masat, si mbajtja e maskava, mbajtja a distancës fizike dhe dezinfektimi i duarve, përcjell Telegrafi Maqedoni.
“Çdo gjë varet nga ne, nëse respektojmë masat, atëherë edhe numri nuk do të jetë kaq i lartë, dhe do të kemi një ulje graduale të numrave në ditët në vijim dhe automatikisht do të kemi edhe lehtësim të masave”, tha Filipçe.
Ai shtoi se në Shkup, ku janë dhe numrat më të larta të infektimeve të reja, e kryesojnë komunat e Sarajit dhe Çairit dhe Butelit.
Sipas ministrit të gjithë klasterat janë të njohur dhe janë izoluar të gjithë personat që kanë pasur kontakt me të infektuarit./Telegrafi/
Venko Filipçe: Çdo gjë është në dorën tonë, respektoni masat shkruan Telegrafi.