Koalicioni VLEN ka njoftuar sot se në raundin e dytë të zgjedhjeve lokale do të mbështesë kandidatin e pavarur për kryetar të Komunës së Studeniçanit, Azem Sadiku.
Ky vendim sipas tyre është marrë duke u bazuar në vullnetin e qytetarëve shqiptarë, të shprehur qartë më 19 tetor.
“Qytetarët kur me NJË ZË thanë “Jo më BDI-së” në shumicën e komunave shqiptare. Bashkë me qytetarët dhe kandidatë që përfaqësojnë sinqerisht interesin publik, do ta çojmë përpara ndryshimin që filloi më 19 tetor në komunat shqiptare”, thuhet në reagimin e VLEN-it.
Kujtojmë se në raundin e parë VLEN në Studeniçan garoi me Sedat Bislimin për kryetar komune dhe Xhelal Ramushin bartës liste. /Telegrafi/
Advertisement
