Avokati i Popullit, Naser Zyberi tha se para 10 ditëve është takuar me kreun e BDI-së për të diskutuar kandidatin për kryeministrin e parë shqiptar në RMV, në 100 ditët e fundit të kësaj Qeverie.
Zyberi në një deklaratë për “TV21” tha se i ka ka treguar Ahmetit se nuk mendon se është mirë që ai të jetë kandidat për postin e kryeministrit të parë shqiptarë, pasi tashmë ka nisur projekte në institucionin e Avokatit të Popullit.
“Unë para dhjetë ditësh kisha takim me kryetarin Ahmeti në të cilën duhej ta diskutojmë çështjen e kandidatit për kryeministër.
Ai i shtroi të gjitha opsionet e mundshme, konstelacionin e raporteve në skenën politike ndërsa unë shpreha pikëpamjet e mia rreth çështjes së angazhimit tim eventual. Thash se nuk është mirë që në tre muajt e fundit të braktiset ky institucion dhe pastaj të mos dihet si do të zhvillojë aktivitetin e mëtutjeshëm, për çka Ahmeti ishte plotësisht dakord”, tha Zyberi.
Zyberi: Nuk është mirë që në tre muajt e fundit të braktis funksionin e Avokatit të Popullit për tu bërë kryeministër shkruan Telegrafi.