Në prag të ditës ndërkombëtare të personave me nevoja të posaçme, 3 dhjetori, Zyra e Avokatit të Popullit ka përgatitur një analizë për gjetjet dhe rekomandimet për qasje të plotë për personat me nevoja të posaçme nëpër institucionet e arsimit të lartë.
Siç njoftoi këshilltarja shtetërore e Avokatit të Popullit, Vaska Bajramovska Mustafa, rreth 22 fakultete nuk kanë evidenca për numrin e studentëve me nevoja të posaçme.
Ajo ankohet se studentët përballen me vështirësi si në transport publik, ashtu edhe në kushtet e fakulteteve kur bëhet fjalë për tualete dhe ashensorë. Sivjet në tre ciklet studimore janë regjistruar gjithsej 48 studentë me aftësi të kufizuara.
“Transporti publik në qytetet ku ka fakultete është tërësisht i paqasshëm për një pjesë të studentëve me pengesa veçanërisht ata me karroca dhe me shikim tërësisht të dëmtuar ndërsa pjesërisht është i qasshëm për pjesën tjetër të studentëve. Mungojnë toalete funksionale për studentët me pengesa, ashensorë funksionalë dhe rampa me gjerësi të përshtatshme këndore. Qasje pa pengesa nga dhe deri te amfiteatrot, bibliotekat dhe objektet tjera. Më tepër se gjysma e fakulteteve ose 67.5% fare nuk kanë toalete për studentët me aftësi të kufizuara ndërsa 55% e fakulteteve nuk kanë ashensor edhe pse objekti është në disa kate”, tha Vaska Bajramovska Mustafa, Këshilltare e Avokatit të Popullit./TV21/
Zyra e Avokatit të Popullit: Studentët me nevoja të veçanta përballen me vështirësi në fakultete shkruan Telegrafi.