Çfarë mund t’i dhurosh një njeriu që i ka të gjitha? Një zgjedhje e vështirë, por Kris Jenner duket se ka arritur ta surprizojë të bijën me një çantë jashtëzakonisht të rrallë Hermès Birkin.
Kris i dhuroi Kylie-t një version me tre ngjyra të çantës luksoze për ditëlindjen e saj të 25-të më 10 gusht; një çantë që thuhet se vlen plot 100,000 dollarë.
“E mrekullueshme! Nuk kam parë asnjëherë diçka të tillë më parë,” tha Kylie ndërsa shihte çantën. “Ata kanë bërë vetëm tre nga këto,” shtoi ajo ndërsa tregonte detajin e zinxhirit në pjesën e përparme të çantës.
Kylie njihet për dashurinë që ka për çantat luksoze. Në vitin 2019, ajo tregoi dollapin e çantave që varionin nga 10,000 dollarë deri në më shumë se 200,000 dollarë.
Në atë kohë, koleksioni i saj i çantave vlerësohej të arrinte në të paktën 500,000 dollarë, por që atëherë është rritur në madhësi dhe vlerë.
